جديد النجم الصاعد عبدالعزيز الويس “ لـــو ”

طرح النجم الكويتي الصاعد “ عبدالعزيز الويس” أغنية الجديدة بعنوان “ لـــو ” 

عبر قناتة الرسمية على موقع ‏الفيديوهات الأشهر “يوتيوب” ‏

كلمات : مشاري ابراهيم
الحان : الويس
توزيع : طلال العيدان
مكس ماستر : طيف عادل
توزيع ديجيتال : شركة قنوات 

حيث إستطاع النجم عبدالعزيز الويس ان يحتل مكانة خاصة لدى جمهوره الكبير في الخليج والوطن العربي، بأعمال غنائية مميزة نقلت احساسه وما يدور بداخله من أفكار بكل مصداقية، فتعلقوا بها وحفظوها عن ظهر قلب ولقبوه بـ«ملك الاحساس».

كلمات الأغنية
لو في حد يموت من فراق أحد ..
ما بقى واحد على هالدنيا ..
فارقوا اغلى .. لا واحلا بعد 
وظلّت الدنيــا مثل ما اهيا ..

وضعِنا أصلاً مـعدوم وممـل ..
كيف أعاتبلي أصم ما يسمع ؟!
لا رضى قلبي ولٓهوه اللي زعل ..
روح وهالـــمره بعد لا ترجع ،.

من الآخر ترى مالك أهمـيّه ..
ولا ف بالي ولو ب 2 بالمـيّه ..
هقيت انك كثير ومخلص وانسان ..
لقيت انك أقــل وبحقّي شويّه ..

واسمع عاد ..
انا قررت البعاد ..
مو مهم ..
عادي ما تفرق ولا تترك أثر ..
وانت وخذها مثل ما قلت ب عناد ..
ما نفع وصلك .. وبعدك ما يضر ..

—

لا تظن بوله ! واشتاق وأحن !
يكرم احساسي ويحرم فقدِك !!
انت شي كان وكنّــه لم يكن ..
وابرك الساعات ساعت بعدك ..

من كتب قربك .. ووصالك قبل ..
كاتب فراقـــك وبعـدك عنّي ..
عندي إيـمان وإحساس وأمل ..
يـعطي الأحسن إذا خذ منّي ..

هـنيّالي اذا كنت بْ تخليني ..
وسلّم لي على نفسك بعد عيني ..
فمان الله من قلبي وفارقنـي ..
وداعـاً لك وأبـد ما راح تـعنيني ..

واسمع عاد ..
انا قررت البعاد ..
مو مهم ..
عادي ما تفرق ولا تترك أثر ..
وانت وخذها مثل ما قلت ب عناد ..
ما نفع وصلك .. وبعدك ما يضر ..