مجلة فن ون الإلكترونية أول مجلة فنية إلكترونية كويتية متخصصه تغطي المحتوى الترفيهي الخليجي والعربي مع أكبر كم من أخبارتشمل قصص عن مشاهير ومسرح وسينما وتلفزيون وموسيقى وموضة وأحداث خاصة
معقوله ضاع الوفا ؟
هذا اول كلامي
شاللي صار وشلي جرا ؟
شاللي صاير تبدلت احوالنا ، وجفانا الوفا والطيب شاللي صار؟
وين اليمعه ، ووين الصاحب ، ووين الغيره، وين الفزعه ، ووين الفرحه ، ووين الطيبه، ووين الرفجه ، معقول كل هذا نسيناه ؟ معقول كل هذا ذبحناه ؟ معقول كل هذا إندفن ولا صرنا نشوفه ونقراه ؟!
شلي صار وشلي جرا
تبدلت الأحوال ، وين الصاحب الفزاع الخير اللي تحطه على يمناك وانت ضامنه ، واليوم حتى الأخو يا حيف إتحذر منه ،
هذا الزمن اللي نعيشه ماهو زمن الأخيار، ولا هو زمن وقفات ، ما ادري إحنا ضيعنا الوفا ولا ضاع الوفا فينا ؟!
صاحب اليوم ماهو صاحب الأمس ، وصاحب الأمس ما له خط رجعه ، والغريب انه حتى معنى الصداقه اليوم صار يتلون على حسب حاجة كل طرف للثاني ، ساعات أحس يا جماعه انه كل شي حلو نسيناه ولا صرنا نشوفه إلا في بالنا بس ،
وينج يا دنيا الأمس ،،،
تحياتي
بقلم اخوكم ولد الديرة
